丫仁又獲得一次祛暗瘡印療程，因為又有新嘅護士想借小弟塊面做練習！作為「美容男子」我梗係來者不拒啦！丫仁真係唔知有無效果，但每日都俾同事催眠話皮膚平滑同TONE UP左，自已確實係有少少沾沾自喜。今次個療程係同上次一樣打爛塊面，刺激皮膚再生復原。同時，再塗上由自己血液而成嘅營養液（PRP）至於係乜就自己SEARCH！
上次做個時都心癢癢想拍片，無奈剛入職唔敢亂來。今次護士唔太理我，就襯呢個機會乜都影一餐去留紀念！過程中其實都聽到好多次個導師話個見習護士磨小弟塊面唔夠直，又有好多步驟唔記得等等......其實小弟都有少少驚毀容架！！痛楚亦比起上次痛得多，可能真係關新手手勢事！就算放工帶埋口罩都難掩自己塊面紅、腫、乾嘅感覺，被世界遺棄不可怕。接住落嚟再抵受一星期癒合的痕癢，諗起唔準「R」都係一種折磨！
ps：護士妹妹好好人，幫我打埋PRP到M字額地方，亦賺咗辦工時間做FACIAL
去mewe睇大丈夫，行多一步走快一步！
https://mewe.com/join/大丈夫東瀛工作遊記
Search